13 октябрь куни кундузи ва 14 октябрга ўтар кечаси Ўзбекистон бўйлаб ёғингарчилик кузатилди. «Ўзгидромет» ахборотига кўра, баъзи жойларда ёғингарчилик кучли бўлган, алоҳида тоғли жойларда қор ёғиши кузатилган.
Маълумотларга кўра, кунлик ёғин миқдорининг энг кўпи Чимёнга тушган — 42 миллиметр. Жиззах шаҳрига 30, Ғаллаоролга 26, Ангренга 18, Қамчиқ довонига 17, Тошкент шаҳрига 16, Самарқанд ва Гулистонга 15 миллиметрдан ёғин тушган.
Хабар беришларича, фақат Қорақалпоғистон Республикаси ва Сурхондарё вилоятида ёғингарчилик кузатилмаган. Мамлакат бўйлаб шамол тезлиги сониясига 12—18 метргача кучайган.
13 октябрь куни кундузи Ўзбекистоннинг йирик шаҳарлари ва вилоят марказларида ҳаво ҳароратининг энг юқори кўрсаткичи қуйидагича бўлди: Нукусда +12 даража, Урганчда +14 даража, Тошкентда +17 даража, Навоийда +18 даража, Бухорода +19 даража, Жиззахда +20 даража, Гулистонда +21 даража, Самарқанд, Наманганда +24 даража, Қарши, Андижон, Фарғонада +26 даража, Термизда +29 даража илиқ.
14 октябрга ўтар кечаси мамлакатнинг йирик шаҳарлари ва вилоят марказларида ҳаво ҳароратининг энг паст кўрсаткичи қуйидагича бўлди: Нукус, Урганч, Гулистонда +1 даража, Бухорода +2 даража, Жиззахда +3 даража, Тошкентда +4 даража, Самарқандда +5 даража, Наманганда +6 даража, Навоий, Андижонда +7 даража, Фарғонада +8 даража, Қарши +9 даража, Термизда +12 даража илиқ.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)