Ўзбекистоннинг тоғли ҳудудларида 14 октябрга ўтар кечаси ҳаво ҳарорати -2 даражагача совийди
Ўзбекистоннинг тоғли ҳудудлари ва Фарғона водийси вилоятларида 14 октябрь, жума куни кучли ёмғир ва шамол бўлиши эҳтимоли бор. Бу ҳақда «Ўзгидромет» маркази хабар бермоқда.
Хабар беришларича, 14 октябрга ўтар кечаси Ўзбекистоннинг тоғли ҳудудларида ҳаво ҳарорати -2...+3 даража, Қорақалпоғистон Республикаси ва Хоразм вилоятида +1...+6 даража, Тошкент шаҳрида +5...+7 даража, Бухоро, Навоий, Тошкент, Самарқанд, Жиззах, Сирдарё вилоятларида +5...+10 даража, Фарғона водийси вилоятларида +8...+13 даража, Қашқадарё ва Сурхондарё вилоятларида +10...+15 даража илиқ бўлиши кутилмоқда.
14 октябрь куни кундузи мамлакатнинг тоғли жойларида ҳаво ҳарорати +3...+8 даража, Қорақалпоғистон Республикаси, Хоразм вилояти, Тошкент шаҳрида +10...+15 даража, Бухоро, Навоий, Тошкент, Самарқанд, Жиззах, Сирдарё, Андижон, Наманган, Фарғона вилоятларида +13...+18 даража, Қашқадарё ва Сурхондарё вилоятларида +19...+24 даражагача илиқ бўлади.
«Ўзгидромет» ахборотига кўра, 14 октябрга ўтар кечаси ва 14 октябрь куни кундузи Ўзбекистоннинг тоғли ҳудудлари ва Фарғона водийси вилоятларида кучли ёғингарчилик бўлиши, шамолнинг тезлиги сониясига 20 метргача кучайиши мумкин.
