13-oktabr kuni kunduzi va 14-oktabrga o‘tar kechasi O‘zbekiston bo‘ylab yog‘ingarchilik kuzatildi. “O‘zgidromet” axborotiga ko‘ra, ba’zi joylarda yog‘ingarchilik kuchli bo‘lgan, alohida tog‘li joylarda qor yog‘ishi kuzatilgan.
Ma’lumotlarga ko‘ra, kunlik yog‘in miqdorining eng ko‘pi Chimyonga tushgan — 42 millimetr. Jizzax shahriga 30, G‘allaorolga 26, Angrenga 18, Qamchiq dovoniga 17, Toshkent shahriga 16, Samarqand va Gulistonga 15 millimetrdan yog‘in tushgan.
Xabar berishlaricha, faqat Qoraqalpog‘iston Respublikasi va Surxondaryo viloyatida yog‘ingarchilik kuzatilmagan. Mamlakat bo‘ylab shamol tezligi soniyasiga 12—18 metrgacha kuchaygan.
13-oktabr kuni kunduzi O‘zbekistonning yirik shaharlari va viloyat markazlarida havo haroratining eng yuqori ko‘rsatkichi quyidagicha bo‘ldi: Nukusda +12 daraja, Urganchda +14 daraja, Toshkentda +17 daraja, Navoiyda +18 daraja, Buxoroda +19 daraja, Jizzaxda +20 daraja, Gulistonda +21 daraja, Samarqand, Namanganda +24 daraja, Qarshi, Andijon, Farg‘onada +26 daraja, Termizda +29 daraja iliq.
14-oktabrga o‘tar kechasi mamlakatning yirik shaharlari va viloyat markazlarida havo haroratining eng past ko‘rsatkichi quyidagicha bo‘ldi: Nukus, Urganch, Gulistonda +1 daraja, Buxoroda +2 daraja, Jizzaxda +3 daraja, Toshkentda +4 daraja, Samarqandda +5 daraja, Namanganda +6 daraja, Navoiy, Andijonda +7 daraja, Farg‘onada +8 daraja, Qarshi +9 daraja, Termizda +12 daraja iliq.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)