АҚШ истеъмолчилик маҳсулотлари хавфсизлиги бўйича комиссия (CPSC) 1,9 миллионга яқин Samsung Galaxy Note 7 смартфонлари қайтариб олиниши ҳақида эълон қилди, деб ёзади «Ведомости».
Бу T&T, Best Buy, Sprint, T-Mobile, US Cellular, Verizon дўконларида, Samsung ва бошқа компаниялар сайтларида жорий йилнинг августидан октябригача сотилган смартфонларга тегишли. Истеъмолчиларга пуллари қайтариб берилади ёки телефонлари бошқа моделга алмаштириб берилади.
Эслатиб ўтамиз, ОАВларда алмаштириб берилган Galaxy Note 7 смартфонлари ҳам ёниб кетаётгани ҳақида хабарлар пайдо бўлгач, Samsung ушбу қурилмани ишлаб чиқаришни тўхтатди. Кейинроқ Galaxy Note 7 смартфонлари эгаларига махсус оловга чидамли қутилар етказиб берила бошлагани маълум қилинди.
13 октябрь куни Samsung Electronics компанияси Жанубий Кореяда Galaxy Note 7 смартфонлари учун товон пули тўлаш ва уларни бошқа моделларга алмаштириб беришни бошлади.
Изоҳ (0)