Samsung компанияси Galaxy Note 7 смартфонлари эгаларига махсус оловга чидамли қутиларни етказиб бера бошлади, қурилмаларни уларга солиб, Жанубий Корея компаниясига қайтариб юбориш керак бўлади. Бу ҳақда Business Insider хабар берди, деб ёзади «РБК».
Иссиқликни ўтказмайдиган қутига батафсил йўриқнома ва қўлқоплар илова қилинган. Қутида улар зарар кўрган ёки нуқсонли литий-ионли аккумуляторлар учун мўлжаллангани ҳақида белги бор. Шунингдек, қутини самолётда ташиш тақиқланган.
Смартфонлар эгаларига қурилмаларни ишлаб чиқарувчига қайтариб юборишдан олдин, уларни ўчириб қўйиш тавсия этилган.
Эслатиб ўтамиз, 2 сентябрь куни Samsung аккумулятор батареяларида аниқланган муаммолар туфайли, Galaxy Note 7 смартфонлари савдосини тўхтатган ва уларни ялпи тарзда қайтариб олган эди.
ОАВларда алмаштириб берилган Galaxy Note 7 смартфонлари ҳам ёниб кетаётгани ҳақида хабарлар пайдо бўлгач, Samsung ушбу қурилмани ишлаб чиқаришни тўхтатди.
Изоҳ (0)