Россия сайёралараро станцияси 10 йилдан сўнг Венерага қўндирилиши маълум қилинди

Россиянинг сайёралараро «Венера-Д» автоматик станцияси тахминан 10 йилдан сўнг мазкур планетага қўндирилади. Бу ҳақда Москвада бўлиб ўтган Қуёш тизими тадқиқотлари 7-халқаро симпозиумида маълум қилинди, дея хабар беради «Интерфакс».

«Автоматик станциянинг сайёрага қўндирилиши 2026—2027 йилларга мўлжалланган», — дея аниқлик киритди Россия фанлар академияси Коинот тадқиқотлари институти ходими Людмила Засова.

Станция 3 йил мобайнида фаолият кўрсатиши кўзда тутилган. «Венера-Д» сайёрада атиги икки соат давомида бўлади.