Жанубий Корея ҳукумати Samsung Electronics компанияси томонидан ишлаб чиқарилган Galaxy Note 7 смартфонлари хавфсизлиги масаласида текширув бошлади. Бу ҳақда Корея технологиялар ва стандартлар агентлиги (KATS) вакили маълум қилди, дея хабар беради «ТАСС».
«Текширув Galaxy Note 7 телефонларида аккумулятордаги муаммолар туфайли алангаланиш юзасидан кўп сонли мурожаатлардан сўнг бошланди. Шундай ҳаракатлар АҚШ ва Тайвань расмийлари томонидан ҳам амалга оширилди», — дея таъкидлади KATS вакили.
Вакилга кўра, текширув якунлари бўйича мазкур смартфонларни қайтариб олиш талаб этилиши ёки йўқлигига аниқлик киритилади.
Олдинроқ Samsung Electronics бутун дунё бўйлаб Galaxy Note 7 смартфонлари сотуви ва алмаштирилиши тўхтатилишини расман эълон қилди. Компания мазкур модель эгаларидан қурилмаларини ўчириб қўйиш ва келгуси билдирувга қадар фойдаланмасликни илтимос қилди.
Изоҳ (0)