13-oktabr kuni Samsung Electronics kompaniyasi Janubiy Koreyada Galaxy Note 7 smartfonlari uchun tovon puli to‘lash va ularni boshqa modellarga almashtirib berishni boshladi, deya xabar bermoqda TJournal.
Smartfon egalari uni do‘konlarga topshirishi mumkin, agar uni boshqa modelga almashtirsa, 30 ming vonlik (taxminan 27 dollar) chegirma kuponini qo‘lga kiritadi.
Eslatib o‘tamiz, OAVlarda almashtirib berilgan Galaxy Note 7 smartfonlari ham yonib ketayotgani haqida xabarlar paydo bo‘lgach, Samsung ushbu qurilmani ishlab chiqarishni to‘xtatdi. Keyinroq Galaxy Note 7 smartfonlari egalariga maxsus olovga chidamli qutilar yetkazib berila boshlagani ma’lum qilindi.
