Тошкентда 12 октябрь куни ҳаво ҳарорати +27 даражагача илиқ бўлади

Ўзбекистоннинг айрим ҳудудларида 12 октябрь куни кучли шамоллар кузатилиши мумкин. Бу ҳақда «Ўзгидромет» маркази хабар бермоқда.

Хабар беришларича, 12 октябрга ўтар кечаси Ўзбекистоннинг тоғли ҳудудларида +3...+8 даража, Қорақалпоғистон Республикаси ва Хоразм вилоятида +9...+14 даража, Қашқадарё ва Сурхондарё вилоятида +11...+16 даража, қолган барча ҳудудларда, хусусан, Тошкент шаҳрида +13 даражагача илиқ бўлади.

Чоршанба куни кундузи мамлакатнинг тоғли жойларида ҳаво ҳарорати +15...+20 даража, Қорақалпоғистон Республикаси ва Хоразм вилоятида +18...+23 даража, Қашқадарё ва Сурхондарё вилоятида +24...+29 даража, қолган барча ҳудудларда, хусусан, Тошкент шаҳрида +22...+27 даражагача илиқ бўлиши кутилмоқда.

«Ўзгидромет» ахборотига кўра, 12 октябрга ўтар кечаси ва 12 октябрь куни кундузи Қорақалпоғистон Республикаси, Хоразм, Бухоро, Навоий вилоятларида шамолнинг тезлиги сониясига 15—20 метргача кучайиши мумкин.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.