Марказий сайлов комиссиясида 11 октябрь, сешанба куни Европада хавфсизлик ва ҳамкорлик ташкилоти Демократик институтлар ва инсон ҳуқуқлари бўйича бюроси Сайловлар департаменти бошлиғи Александр Шлик бошчилигидаги Эҳтиёжларни баҳолаш миссияси экспертлари билан учрашув бўлиб ўтди. Бу ҳақда «Дарё»га Ўзбекистон Республикаси Президенти сайловини ёритиш бўйича Республика матбуот маркази хабар берди.
Марказий сайлов комиссияси раиси Мирзо-Улуғбек Абдусаломов экспертларга Ўзбекистон Республикаси Президенти сайловига тайёргарлик доирасида Марказий сайлов комиссияси ва округ сайлов комиссиялари томонидан олиб борилаётган ишлар ҳақида батафсил ахборот берди.
Фуқароларнинг сайлов ҳуқуқлари кафолатларини таъминлаш мақсадида ҳуқуқни қўллаш амалиёти такомиллашиб бораётганлиги, бунда ЕХҲТ Демократик институтлар ва инсон ҳуқуқлари бўйича бюросининг аввалги сайловларни кузатиш натижалари бўйича тақдим этган тавсиялари муҳим аҳамиятга эга бўлгани таъкидланди.
Учрашувда Эҳтиёжларни баҳолаш миссияси экспертлари фаолиятини самарали ташкил этиш, икки томонлама ҳамкорликни янада мустаҳкамлаш ва томонларни қизиқтирган бошқа масалалар юзасидан атрофлича фикр алмашилди.
Изоҳ (0)