Самарқандда трамвай қатнови йўлга қўйилади. Бу ҳақда, «Ахборот» теледастурига асосланиб, «Газета.uz» хабар бермоқда.
Ушбу таклифни Ўзбекистон Президенти вазифасини бажарувчи Шавкат Мирзиёев шаҳарга ташрифи доирасида илгари сурди.
«Бу ташаббус шаҳарликларни хурсанд қилди. Шаҳар аҳли учун экологик жиҳатдан тоза ва қулай транспорт», — дейилади хабарномада.
Трамвай йўли Сиёб бозоридан Сартепага қадар боради.
Президент вазифасини бажарувчи яқин вақтда аҳолининг эҳтиёжларини инобатга олган ҳолда йўналишлар лойиҳасини ишлаб чиқишни тавсия этди.
Йўл Наврўз байрамига қадар фойдаланишга топширилиши лозим.
Эслатиб ўтамиз, май ойида Тошкентдаги охирги трамвай йўналиши ёпилган эди.
Изоҳ (0)