Ўзбекистон бош вазири виртуал қабулхонаси 4 октябрь куни бир соат давомида мурожаатларни қабул қилмайди

Ўзбекистон бош вазири Шавкат Мирзиёевнинг виртуал қабулхонаси — PM.gov.uz порталида 4 октябрь куни соат 12:00 дан 13:00 гача портал фаолиятини такомиллаштириш бўйича ишлар амалга оширилади. Бу ҳақда порталда хабарнома эълон қилинди.

«Ушбу вақт оралиғида PM.gov.uz порталида келтирилган шаклни тўлдириш орқали мурожаат юбориш вақтинча тўхтатилиб турилади», — дейилади портал хабарномасида.

Шу билан бирга Ўзбекистон бош вазирига ариза, таклиф ва шикоятларни (0-800) 210-00-00 ёки 1000 қисқа рақамларига қўнғироқ қилган ҳолда ёки «ЎзЛиДеП» ҳудудий партия ташкилотларига ташриф буюриш орқали юбориш мумкин.

«Юз бериши мумкин бўлган ноқулайликлар учун узр олдиндан сўраймиз ва тушунганингиз учун миннатдорчилик билдирамиз», — дейилади бош вазир виртуал қабулхонаси ахборотида.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.