Наманган вилояти Мингбулоқ тумани ҳокимлиги ҳузуридаги «Бир дарча» марказига қуёш панеллари ўрнатилди, улар йилига 5,5 киловатт/соат электр энергияси ишлаб чиқаришга қодир, дея хабар бермоқда UzDaily.
Қуёш батареялари Ўзбекистон Вазирлар Маҳкамаси ва БМТ Тараққиёт Дастурининг «Маҳаллий бошқарув тизимини қўллаб-қувватлаш / 2-босқич» қўшма лойиҳаси доирасида ўрнатилди.
Шунингдек, давлат хизматларини кичик бизнес ва хусусий тадбиркорлик субъектларига узлуксиз тақдим этиш мақсадида, Жиззах, Наманган ва Тошкент вилоятларидаги жами 20 та «Бир дарча» марказлари электр энергиясининг бензинли генераторлари билан таъминланди.
Изоҳ (0)