Тошкентдаги «Ўзэкспомарказ»да 5—7 октябрь кунлари «Ипак йўлидаги сайёҳлик» 22-Тошкент халқаро сайёҳлик ярмаркаси бўлиб ўтади. Бу ҳақда ярмарка ташкилотчилари — «Ўзбектуризм» Миллий компаниясининг «Буюк Ипак йўли» агентлиги матбуот анжуманида маълум қилди, деб ёзади «Газета.uz». Марказий Осиёдаги сайёҳлик бўйича энг йирик форум 1995 йилдан буён ўтказилмоқда.
Кўргазма ташрифчиларини анъанавий «Шарқона бозор», шунингдек, Ўзбекистон ҳудудлари ва қатор мамлакатлар сайёҳлик салоҳияти тақдимоти кутади.
Андижон вилояти стендида андижонча палов тайёрлаш бўйича маҳорат дарсида қатнашиш ва узумнинг алоҳида навидан татиб кўриш мумкин бўлади.
Ярмарка доирасида экологик сайёҳликни ривожлантириш масалалари ва аҳолига хизмат кўрсатиш соҳаларини ривожлантириш истиқболларига бағишланган халқаро анжуманлар бўлиб ўтади.
Ярмаркага Россия «НТВ» телеканалининг «Поедем, Поедим!» кўрсатувининг телевизион гуруҳи ташриф буюриб, Ўзбекистон ҳақидаги иккинчи кўрсатувни суратга олади.
Изоҳ (0)