O‘zbekiston bosh vaziri Shavkat Mirziyoyevning virtual qabulxonasi — PM.gov.uz portalida 4-oktabr kuni soat 12:00 dan 13:00 gacha portal faoliyatini takomillashtirish bo‘yicha ishlar amalga oshiriladi. Bu haqda portalda xabarnoma e’lon qilindi.
“Ushbu vaqt oralig‘ida PM.gov.uz portalida keltirilgan shaklni to‘ldirish orqali murojaat yuborish vaqtincha to‘xtatilib turiladi”, — deyiladi portal xabarnomasida.
Shu bilan birga O‘zbekiston bosh vaziriga ariza, taklif va shikoyatlarni (0-800) 210-00-00 yoki 1000 qisqa raqamlariga qo‘ng‘iroq qilgan holda yoki “O‘zLiDeP” hududiy partiya tashkilotlariga tashrif buyurish orqali yuborish mumkin.
“Yuz berishi mumkin bo‘lgan noqulayliklar uchun uzr oldindan so‘raymiz va tushunganingiz uchun minnatdorchilik bildiramiz”, — deyiladi bosh vazir virtual qabulxonasi axborotida.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)