Футбол бўйича Испания Ла Лигасининг 7-турида Мадриднинг «Реал» клуби 2 очко йўқотди. «Сантьяго Бернабеу»да «Эйбар»ни қабул қилган Зидан жамоаси 1:1 ҳисобида дуранг ўйнади.
Мавсумни кетма-кет 4 та ғалаба билан бошлаган «Реал» сўнгги икки турда «Вильярреал» ва «Лас-Пальмас» клубларини ҳам мағлуб эта олмаганди. Шунингдек, Чемпионлар Лигаси гуруҳ босқичининг 2-турида Дортмундда ҳам 2 очко бой берилганди.
«Реал»нинг очко йўқотишидан унумли фойдаланган «Атлетико» турнир жадвалида тўплар нисбатига кўра 1-ўринга кўтарилиб олди. «Валенсия» майдонига ташриф буюрган Симеоне жамоаси 2 та гол фарқи билан зафар қучди.
Чемпионлар Лигаси доирасида «Бавария» дарвозасини пенальтидан ишғол қила олмаган Антуан Гризманн «Валенсия»га қарши ўйинда ҳам 11 метрлик имкониятни кўкка совурди. 69-дақиқада белгиланган пенальтига эса Гризманн яқинлашгани йўқ. Бу вазифани адо этган Габи ҳам дарвозабон Диего Алвес билан дуэлда енгилди.
Аввалроқ Диего Алвес пенальти қайтариш борасида Ла Лиганинг энг яхши посбони бўлиб олганди. «Атлетико»га қарши ўйинда эса у ўз муваффақиятларини яна иккитага яхшилаб олди.
7-турда «Барселона» 3 очкони қўлга киритса, очколар сони бўйича Мадрид жамоаларидан илгарилаб кетади.
Испания Ла Лигаси 7-тур учрашувлари 30 сентябрь, жума
«Реал Сосьедад» — «Бетис» 1:0
Гол: Карлос Вела, 63 (1:0).1 октябрь, шанба
«Гранада» — «Леганес» 0:1
Гол: Александр Шимановски, 76 (0:1).«Севилья» — «Алавес» 2:1
Голлар: Виссам Бен-Йеддер, 74 (1:0). Виктор Лагуардия, 84 (1:1). Виссам Бен-Йеддер, 90+1 (2:1).«Осасуна» — «Лас-Пальмас» 2:2
Голлар: Роберто Торрес, 7-пен (1:0). Серхио Леон, 45+2 (2:0). Висенте Гомес, 57 (2:1). Давид Гарсия, 90+1 (2:2).«Депортиво» — «Спортинг» 2:1
Голлар: Селсо Борхес, 35 (1:0). Серхио Альварес, 65 (1:1). Райан Бабел, 90+2 (2:1).2 октябрь, якшанба
«Валенсия» — «Атлетико» 0:2
Голлар: Антуан Гризманн, 63 (0:1). Кевин Гамейро, 90+3 (0:2).Ноаниқ пенальтилар: Антуан Гризманн, 44 (А). Габи, 69 (А).«Реал» — «Эйбар» 1:1
Голлар: Фран Рико, 6 (0:1). Гарет Бэйл, 17 (1:1).«Малага» — «Атлетик»«Эспаньол» — «Вильярреал»«Сельта» — «Барселона»
Изоҳ (0)