Франциянинг Дижон шаҳрида Apple Store мижози компания қўллаб-қувватлаш хизматининг ишидан норози бўлиб, жаҳл устида ўнлаб гаджетларни синдириб ташлади. Бу ҳақда TJournal хабар бермоқда.
Воқеа акс этган видеоролик YouTube’да эълон қилинди. Унда ёшроқ йигит петанк ўйинига мўлжалланган пўлат шарча ёрдамида ўнлаб ускуналарни синдиргани акс этган. Бир муддатдан сўнг қўриқчи уни дўкон ичидан чиқариб юборди.
Хабар қилинишича, йигит қочишга уринган, лекин бунинг уддасидан чиқа олмаган. Айни пайтда у полиция қўлида.
Изоҳ (0)