Fransiyalik xaridor norozilik alomati sifatida Apple Store’da o‘nlab gadjetlarni sindirdi

Fransiyaning Dijon shahrida Apple Store mijozi kompaniya qo‘llab-quvvatlash xizmatining ishidan norozi bo‘lib, jahl ustida o‘nlab gadjetlarni sindirib tashladi. Bu haqda TJournal xabar bermoqda.

Voqea aks etgan videorolik YouTube’da e’lon qilindi. Unda yoshroq yigit petank o‘yiniga mo‘ljallangan po‘lat sharcha yordamida o‘nlab uskunalarni sindirgani aks etgan. Bir muddatdan so‘ng qo‘riqchi uni do‘kon ichidan chiqarib yubordi.

Xabar qilinishicha, yigit qochishga uringan, lekin buning uddasidan chiqa olmagan. Ayni paytda u politsiya qo‘lida.