Тошкентда синхрон сузиш бўйича «Сув париси» халқаро турнири якунланди. Бу ҳақда ЎзА хабар бермоқда.
Маданият ва спорт ишлари вазирлиги, Миллий олимпия қўмитаси ва сузиш федерацияси томонидан ўтказилган мусобақада ўнга яқин давлатдан юздан ортиқ спортчи ғолиблик учун баҳслашди.
Халқаро турнирда спортчилар уч ёш тоифасида (16–18, 13–15, 12 ва ундан кичик) соло, дуэт ва гуруҳ баҳсларида ўз маҳоратини намойиш этди.
Турнирнинг соло баҳсларида тошкентлик Зиёда Тошхўжаева, дуэт баҳсларида Анастасия Рўзметова ва Гулсанам Йўлдошева жуфтлиги ўз ёш тоифасидаги мусобақаларда ғолибликни қўлга киритди. Гуруҳ баҳсларида Тошкент шаҳри, Андижон ва Бухоро вилоятлари жамоалари шоҳсупага кўтарилди.
Шунингдек, Россия, Беларусь, Украина, Венгрия, Словакия, Исроил ва КХДР спортчилари ҳам совринли ўринларни эгаллади.
Изоҳ (0)