Соҳибқирон Амир Темурнинг «Темур тузуклари» асари фойдаланувчиларга веб-сайт кўринишида тақдим этилди. Бу ҳақда «Дарё»га UzInfocom хабар берди.
Ушбу лойиҳа Ўзбекистон Республикаси Ахборот технологиялари ва коммуникацияларини ривожлантириш вазирлиги раҳбарлигида Компьютер ва ахборот технологияларини ривожлантириш ҳамда жорий этиш Маркази — UzInfocom томонидан ишлаб чиқилди.
Амир Темурнинг «Темур тузуклари» асарининг веб-сайтини фойдалаувчилар учун қизиқарли ва қулай ишлаб чиқишда юқорида келтирилган нашрнинг матни ҳамда Амир Темур ва «Темур тузуклари» асарига ишланган миниатюралар, рангли иллюстрациялар ва суратлардан фойдаланилди.
Шунингдек, веб-сайтда «Темур тузуклари» асари ҳақидаги қимматли мақола ва қизиқарли маълумотларига кенг ўрин берилган. Аҳамиятлиси, маълумотлар фойдаланувчилар учун қулай, замонавий шаклларда тақдим этилишига алоҳида эътибор қаратилган. Мазкур веб-сайт «Темур тузуклари», «Солнома», «Эҳтиром», «Қизиқарли маълумотлар» бўлимлари ҳамда «Фотогаллерея» ва «Мундарижа»га эгадир.
Изоҳ (0)