Ҳиндистон Жанубий Кореяни мамлакат 12 йил давомида эгаллаб келган йирик автомобиль ишлаб чиқарувчилар бешталигидан чиқариб юборди. Бу ҳақда «Корреспондент.net» хабар бермоқда.
Жанубий Кореяда 2016 йилнинг 7 ойи мобайнида 2,55 миллион автомобиль ишлаб чиқарилган бўлса, Ҳиндистонда бу кўрсаткич 2,57 миллионни ташкил этди. Августда кореяликлар 217 минг, ҳиндлар эса 387,7 минг машина йиғди.
Таққослаш учун, ўтган йили автомобиль ишлаб чиқариш ҳажми Жанубий Кореяда 4,55, Ҳиндистонда эса 4,12 миллион донадан иборат бўлганди.
2002 йили Жанубий Корея дунёнинг етакчи автомобиль ишлаб чиқарувчи давлатлари рейтингида бешинчи ўринни йўқотган, бироқ орадан уч йил ўтиб мавқеини қайтариб олганди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)