Бразилия олий федерал суди судьяси Роза Уэбер мамлакат собиқ президенти Дилма Руссефф давлат хизматини давом эттириш ҳуқуқини сақлаб қолиши ҳақидаги қарор бекор қилиниши талаб этилган апелляцияни рад этди. Мазкур даъво Бразилия янги президенти Мишел Темернинг ҳукмрон коалициясига кирган сиёсий кучлар томонидан имзоланганди. Бу ҳақда «Коммерсант.ru» хабар бермоқда.
«Истеъфога жўнатилган президентнинг бирор-бир давлат лавозимига тайинланиши имконияти улкан ижтимоий беқарорликка сабаб бўлиши ва юридик хавфсизлик учун таҳдид туғдириши мумкин», — маълум қилди апелляция муаллифлари.
Бироқ судья бу далилларни қабул қилмади. Ҳукм якуний эмас, у олий федерал суд пленар йиғилишида тасдиқланиши ёки рад этилиши мумкин.
Изоҳ (0)