Ратгер университети олимлари тажриба ўтказиб, ерга тушган ва беш сония ичида олинган егулик ифлос бўлишга улгурмаслиги ҳақидаги «беш сония қоидаси»ни рад этди, деб ёзади «Газета.ru» Applied and Environmental Microbiology журналига таяниб.
Дональд Шаффнер раҳбарлигидаги олимлар егуликнинг зангламайдиган пўлат, сопол плита, ёғоч ва гилам қопламага тушиши билан боғлиқ таржибаларни олиб борди, озиқ-овқат сифатида тарвуз, нон, сарёғ сурилган бутерброд ва хўрозқанд танланди. Ерга тушган маҳсулотларнинг таҳлили шуни кўрсатдики, уларга ўтишга улгурган бактериялар сонига вақтдан ташқари, уларнинг намлиги, шунингдек, юзаларнинг хусусияти ҳам таъсир қилади.
Аниқланишича, гилам қопламада бактериялар энг кам миқдорда ўтган. Шу билан бирга, алоқа вақти ҳақиқатан ҳам егуликка ўтадиган микроблар сонини оширишига қарамай, «беш сония қоидаси»ни рад этишга муваффақ бўлишди — баъзи бактериялар егулик ерга тушганидан кейин дастлабки сониядаёқ унга ўтиб олади.
Изоҳ (0)