Малайзия расмийлари мактаб ўқувчиларининг Зика вируси хуружи кузатилаётган Филиппин ва Сингапурга боришини тақиқлаб қўйди. Бу ҳақда мамлакат таълим вазири Махзир Холид маълум қилди, деб хабар беради «ТАСС».
«Мазкур мамлакатларга боришни ман этиш ҳақидаги кўрсатма Малайзиядаги ҳар бир мактабга етказилди. Ушбу чора Зика вирусининг Сингапур ва Филиппиндан тарқалишига йўл қўймасликка қаратилган», — таъкидлади Махзир Холид. У тақиқ вақтинчалик эканлигини билдирди, бироқ чекловлар қачон бекор қилинишига аниқлик киритмади.
Таққослаш учун, Малайзияда бугунги кунга келиб Зика вирусига чалиниш билан боғлиқ 4 та ҳолат қайд этилди. Сингапурда эса бу кўрсаткич 300 тадан ошиб кетди.
Изоҳ (0)