Бениннинг иқтисодий пойтахти — Kotonу шаҳридаги чиқиндихонада юз берган портлаш оқибатида қарийб 100 киши ҳалок бўлди, яна 200 дан ортиқ одам тан жароҳати олган. Бу ҳақда «Синьхуа» агентлиги хабар бермоқда.
Маҳаллий Canal3 телеканали хабарига кўра, ҳодиса Kotonудан 20 километр шимолдаги чиқинди полигонида юз берган. Маълум бўлишича, портлашга аввалроқ тўла ёниб улгурмаган «бузилган ун» сабаб бўлган.
Божхоначилар томонидан мусодара қилиниб, чиқинди полигонига ташлаб кетилган унни олиб кетиш учун маҳаллий аҳоли келгани сабаб қурбонларнинг сони кескин кўпайиб кетган.
«China.org.cн»нинг ёзишича, уларнинг сони янада кўпайиши мумкин, чунки аксарият жабрланувчиларнинг аҳволи оғир.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.