ИШИД назорати остида бўлган Ироқнинг Мосул шаҳрини озод этиш бўйича операция бир неча ҳафтадан сўнг бошланади. Бу ҳақда АҚШ бошчилигидаги халқаро коалиция бирлашган кучлари қўмондони Стивен Таунсенд маълум қилди, дея хабар беради «РИА Новости».
«Биз Мосулда шиддатли, узоқ ва қийин жангга тайёргарлик кўряпмиз. Мен шаҳарнинг қамал қилинишини назарда тутяпман», — дея таъкидлади Таунсенд.
Генерал-лейтенант жанговар ҳаракатлар санасига аниқлик киритмаган бўлса-да, улар келгуси ойда бошланишига умид билдирди.