Ўзбекистондаги йирик саноат холдингларидан бири бўлган AKFA Group Германия компаниялари билан ҳамкорликни босқичма-босқич ошириб бормоқда. Хусусан, сўнгги 2 йилда AKFA компаниялар гуруҳининг Германия корхоналари билан товар айирбошлаш ҳажми 30 фоизга ошди. Охирги 3 йилда Германияга AKFA Group маҳсулотлари экспортининг ўртача ҳажми йилига 2000 тоннадан ошди.
Шуни таъкидлаш керакки, AKFA Group юқори қўшимча қийматга эга ва локализация даражасига эга маҳсулотларни экспорт қилмоқда. Экспортга юборилган маҳсулотлар немис иқтисодиётининг қурилиш ва қуёш энергетикаси соҳаларида қўлланмоқда.
Шу муносабат билан AKFA Group ва Германия компаниялари ўртасида ўзаро манфаатли ҳамкорликни ривожлантириш ҳар икки томонда ҳам қизиқиш уйғотмоқда.
2024 йил 15 май куни Рейнланд-Пфалс федерал ерининг (Германия) савдо делегацияси “Навоий” ЭИЗда жойлашган “AKFA Plast” ишлаб чиқариш мажмуасига ташриф буюрди.
Ташриф давомида Германиялик меҳмонлари учун AKFA Plast ишлаб чиқариш мажмуаси бўйлаб экскурсия ва корхона раҳбари Азизхон Ибрагимходжаев билан музокаралар ташкил этилди.
Экскурсияда Германия томонидан қуйидагилар иштирок этди:
- Катрин Борнемаер - Рейнланд-Пфалс федерал ерининг Иқтисодиёт вазирлиги ташқи савдо бошқармаси бошлиғи
- Вера Нойманн - Рейнланд-Пфалс федерал ерининг Иқтисодиёт вазирлиги вакили
- Элвин Йилмаз – Германия Савдо-саноат палатаси ташқи иқтисодий алоқалар бўлими раҳбари
Шунингдек, тадбирда Германиянинг ишбилармон доиралари вакиллари ҳам иштирок этди.
Меҳмонлар ишлаб чиқариш жараёнининг ташкил этилиши, корхонанинг техник жиҳозланиши ва ишлаб чиқарилаётган маҳсулотлар сифатини юқори баҳолади.
Рейнланд-Пфалз федерал ери ҳақида
Рейнланд-Пфалз федерал ери Германиянинг жануби-ғарбий қисмида Франция, Бельгия ва Люксембург билан чегарада жойлашган бўлиб, Европадаги етакчи инновация марказларидан бири ҳисобланади. Рейнланд-Пфалс Германиянинг энг ривожланган саноат ва илмий ҳудудлардан биридир.
AKFA Group ва Германия муносабатлари
AKFA Group холдинги Германия компаниялари билан кўп йиллик бизнес алоқаларига эга. Хусусан, немис ишлаб чиқарувчилари кўп йиллардан буён AKFA Group корхоналарига саноат ускуналари етказиб бермоқда.
Сўнгги йилларда AKFA Group Германиянинг Schüco ва Rehau каби йирик концернлари билан ҳамкорлик шартномаларини тузди. Шартномаларга мувофиқ, BENKAM Schüco бренди остида экструзия қилинган алюминий профилларни ишлаб чиқаради. Ушбу маҳсулотлар бутун Марказий Осиё бўйлаб премиум қурилиш лойиҳаларида қўлланилади.
AKFA Group ва Rehau концерни ҳамкорлиги доирасида IMZO заводида машҳур немис бренди остида дераза ва эшик ишлаб чиқариш ўзлаштирилди. Шунингдек, корхоналар AKFA Plast ишлаб чиқариш мажмуасида Rehau пластик профилларини ишлаб чиқаришни йўлга қўйишни режалаштирмоқда.
Германия делегациясининг AKFA Group холдинги корхоналарига ташрифи Ўзбекистон ва Германия ўртасидаги икки томонлама ҳамкорликни янада кенгайтириш ва иқтисодий алоқаларни ривожлантиришга хизмат қилади.
Реклама ҳуқуқи асосида.
Изоҳ (0)