Жорий йилнинг 15 май куни George Fox Университети (АҚШ) ва Тошкент Кимё халқаро университети ўртасида имзоланган ҳамкорлик меморандуми ўзаро алоқаларнинг янги босқичини бошлаб берди. Бу ҳамкорлик ўтган йил май ойида университет раҳбариятининг Америка Қўшма Штатларига ташрифи давомида муҳокама қилинган эди.
Ўзаро ҳамкорлик меморандуми Тошкент Кимё халқаро университетининг ректори в.б., профессор Каримжон Ахмеджанов ва George Fox университетининг муҳандислик йўналиш бўйича проректори, профессор Роберт Ҳардер ўртасида имзоланди. Меморандум икки университет ўртасида таълим ва илмий тадқиқотлар соҳасида ўзаро ҳамкорликни мустаҳкамлаш мақсадида имзоланди.
Ҳамкорлик доирасида талабалар ва ўқитувчилар алмашинуви, қўшма тадқиқот лойиҳалари ва илмий конференциялар ташкил этиш кўзда тутилган. Таъкидлаш жоизки, бу ўз навбатида университетлар ўртасидаги илмий ва академик алоқаларни янада кенгайтиришга хизмат қилади. Шунингдек, ушбу дастур орқали талабалар глобал миқёсда таълим олиш ва ўз соҳаларида халқаро тажриба орттириш имкониятига эга бўладилар.
Ушбу ҳамкорликнинг келажакдаги натижалари икки университет жамоаларининг саъй-ҳаракатлари ва қўллаб-қувватлови билан янада самарали бўлиши кутилмоқда. Томонларнинг бу қадамини таълим ва илм-фан соҳасидаги халқаро ҳамкорликнинг ажойиб мисоли сифатида баҳолаш мумкин.
Онлайн ҳужжат топшириш: ҳттпс://адмиссион.киут.уз/
Бакалавриат: admission.kiut.uz
Магистратура: masters.kiut.uz
- +99878 29-40-40 (ички рақам – 1).
- Сайт: www.kiut.uz
- Telegram
Реклама ҳуқуқи асосида.
Изоҳ (0)