Америкалик актёр Жонни Депп мусиқачи Тупак Шакур ўлимининг тергов қилиниши ҳақидаги фильмни суратга олиш ишларида қатнашади, деб ёзади «РИА Новости».
Депп бир неча ой давом этган тергов ишларидан кейин ўз бўлинмасидаги полициячиларнинг мусиқачилар ўлимида қўли борлигини ҳамда уларнинг Death Row Records овоз ёзиш лейбли ва Bloods кўча бандасига алоқадорлигини тушуниб етган детектив Рассел Пул ролини ўйнайди.
Охир-оқибат тергов якунлари Пулнинг Лос-Анжелес полицияси билан келишмай қолишига ва унинг норозилик белгиси сифатида ишдан кетишига олиб келди.
Рэперлар Тупак Шакур (1996) ва Бигги Смолзнинг (1997) ўлимига бағишланган фильмга Рэндалл Салливаннинг LAbyrinth китоби асос қилиб олинди. Уни режиссёр Брэд Фурман («Яширин фирибгарлик», «Адвокат учун Линкольн») суратга олади. Фильм қачон суратга олиниб, қачон катта экранларга чиқиши хабар берилмаяпти.
Изоҳ (0)