Amerikalik aktyor Jonni Depp musiqachi Tupak Shakur o‘limining tergov qilinishi haqidagi filmni suratga olish ishlarida qatnashadi, deb yozadi “RIA Novosti”.
Depp bir necha oy davom etgan tergov ishlaridan keyin o‘z bo‘linmasidagi politsiyachilarning musiqachilar o‘limida qo‘li borligini hamda ularning Death Row Records ovoz yozish leybli va Bloods ko‘cha bandasiga aloqadorligini tushunib yetgan detektiv Rassel Pul rolini o‘ynaydi.
Oxir-oqibat tergov yakunlari Pulning Los-Anjeles politsiyasi bilan kelishmay qolishiga va uning norozilik belgisi sifatida ishdan ketishiga olib keldi.
Reperlar Tupak Shakur (1996) va Biggi Smolzning (1997) o‘limiga bag‘ishlangan filmga Rendall Sallivanning LAbyrinth kitobi asos qilib olindi. Uni rejissor Bred Furman (“Yashirin firibgarlik”, “Advokat uchun Linkoln”) suratga oladi. Film qachon suratga olinib, qachon katta ekranlarga chiqishi xabar berilmayapti.
Izoh (0)