Россиянинг Екатеринбург шаҳридаги цемент заводи ҳудудида «Тахтлар ўйини» сериалидаги Винтерфелл қасрини қуришади, дея хабар бермоқда «360» телеканали. Уни уч метрли 3D-принтер ёрдамида яратишади ва сентябрь охиригача қуриб битказишади.
«Винтерфелл жуда чиройли ва салобатли бўлгани учун биз уни танладик, аммо унда оддий усулда қуриб бўлмайдиган элементлар кўп», — деди завод бош директори Ринат Брилин.
Винтерфеллни уч киши барпо этади, улар 3D-принтер ишини назорат қилади. Сўнг қаср қоровулхона сифатида фойдаланилади.
Қаср қурилиши заводга тахминан 46 минг долларга тушади, бироқ барибир бу оддий қурилишдан арзонроқ.
Винтерфелл — Старклар уйининг авлоддан-авлодга ўтиб келган қасри бўлиб, «Тахтлар ўйини» мифологиясига кўра, саккиз минг йил аввал қурилган.
Аввалроқ «Тахтлар ўйини» сериалининг охиридан олдинги — еттинчи мавсумини суратга олиш ишлари расман бошлангани хабар берилган эди.
Изоҳ (0)