France Прессе агентлиги Шимолий Кореяда ўз бюросини очди

Agence France Presse халқаро ахборот агентлиги Шимолий Кореяда ўз бюросини очди. Бу ҳақда Meduza хабар бермоқда.

AFP КХДРнинг расмий ахборот агентлиги — Корея марказий телеграф агентлиги билан битим тузгани сабаб, ушбу мамлакатда ўз бўлимини очишга муваффақ бўлган.

Мазкур битим шарофати билан, AFP Шимолий Кореяга мунтазам равишда ёзувчи журналистларни, фотомухбирларни ва видеооператорларни юбориш имкониятини қўлга киритади.

Бундан ташқари, КХДРда AFP’да таҳсил кўрган шимолий кореялик фотосуратчи ва видеочи ҳам фаолият олиб боради (видеочи мунтазам равишда видеомаълумотларни тайёрлаб бериши зарур).

Шимолий Корея ҳамон журналистлар учун энг ёпиқ мамлакатлардан бири ҳисобланади. Жаҳон ахборот агентликлари орасида ҳозиргача фақат Associated Press’нинг КХДРда ваколатхонаси бор эди.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.