Тошкентдаги Нурафшон кўчасининг янги қурилган бўлагида йўл-транспорт ҳодисалари юз берди. Бу ҳақда Facebook ва Telegram’даги ўзбекистонлик ҳайдовчиларнинг ҳамжамиятларида маълумот берилган. Ҳодисалар 29 август, душанба куни юз берган.
Telegram’да пайдо бўлган суратда Нурафшон кўчасининг «Тинчлик» метро бекатига яқин қисмида икки Matiz автомобильи иштирокида авария юз берганини кўриш мумкин. Ҳодиса натижасида тан жароҳати олиб, жабрланганлар ҳақида аниқ маълумот йўқ.
Facebook’даги «Водители Ташкента» гуруҳида эълон қилинган фотосуратда Нурафшон кўчасининг Чилонзор Оқтепа майдонига яқин жойида АЗЛК русумли автомобильнинг ғилдираги ўқдан чиқиб кетиб, йўл ўртасида қолиб кетганини кўриш мумкин.
Эслатиб ўтамиз, 29 август, душанба кунидан бошлаб Тошкентда Нурафшон кўчасининг янги қурилган бўлаги автомобильлар ҳаракати учун очилган эди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)