Россия олимпия қўмитаси президенти Александр Жуков россиялик паралимпиячиларнинг Халқаро паралимпия қўмитасига киритган индивидуал тартибдаги аризалари рад этилганини маълум қилди. Бу ҳақда «Ведомости» хабар бермоқда.
Россия паралимпия терма жамоаси допинг можароси билан боғлиқ равишда 2016 йилги ўйинлардан четлаштирилган эди. Шу боис спортчилар якка тартибда ўйинларда иштирок этиш мақсадида аризалар кирита бошлади. Аммо, эндиликда маълум бўлишича, аризалардан бирортаси ўтмаган.
«Паралимпиячиларимизнинг индивидуал даъволари ҳам қайтарилди. Бу ғайриинсоний ишдир», — деди Жуков.
«Ўз-ўзидан тушунарлики, бу вазият улкан сиёсий босимдан бошқа нарса эмас», — қўшимча қилди у.
Изоҳ (0)