МиГ-29 ва Су-34 қирувчи самолётлари экипажи Россия Федерацияси Қуролли кучларини кутилмаганда текшириш доирасида 11 километрдан ортиқ баландликда шартли ҳаво нишонларини тутди ва йўқ қилди. Бу ҳақда Ғарбий ҳарбий округ матбуот котибига таяниб, «ТАСС» хабар берди.
«Воронеж ва Курск вилоятларига жойлаштирилган Су-34 ва МиГ-29СМТ экипажлари стратосферада шартли ҳаво нишонларини тўхтатиб қолди», — деди у.
Нишонлар йўқ қилингач, самолётлар экипажлари Жанубий ҳарбий округ аэродромига қўнди. «Қўшма парвозларда ўндан ортиқ экипаж иштирок этмоқда, уларнинг ҳар бири камида ўнтадан парвозни амалга оширади», — дея аниқлик киритди округ вакили.
Ҳарбий шайликни текшириш ишлари 25 дан 31 августга қадар олиб борилади.
Изоҳ (0)