Риодаги Олимпиада ўйинлари давомида талончилик қурбони бўлганини билдирган америкалик сузувчи Райан Лохте ёлғон гапиргани учун кечирим сўради. Бу ҳақда «Интерфакс» хабар бермоқда.
«Маст эдим, ўзимни ёш боладек тутдим. Аҳмоқона хатога йўл қўйдим. Мен ҳам оддий одамман ва чиндан ҳам бу хатодан афсусдаман», — таъкидлади олти карра Олимпия чемпиони NBC телеканалига берган интервьюсида.
Риодаги ўйинларнинг сузиш дастури якунлаганидан сўнг Лохте у ва АҚШ терма жамоасининг яна уч нафар аъзосига ёқилғи қуйиш станциясида қуролли талончилар ҳужум қилганини даъво этганди. Бироқ мазкур даъволар тасдиғини топмади ва сузувчилар ҳеч қандай тунаш бўлмаганини тан олишига тўғри келди.
Спортчи NBC телеканалига берган интервьюси чоғида Олимпиада ташкилотчилари, барча бразилияликлар, мухлислар ва терма жамоадаги шерикларидан узр сўради.
Изоҳ (0)