АҚШ давлат котиби Жон Керри БМТ кучларини Жанубий Судан пойтахти — Жубага жойлаштириш зарурлигини маълум қилди, деб ёзади «ТАСС». Тегишли баёнот билан у Найробидаги матбуот анжуманида чиқиш қилди.
«Биз ҳимоя бўйича минтақа кучларини жойлаштириш борасида олға силжишимиз керак, бунга шубҳа йўқ, — деди Америка дипломатияси раҳбари. — Шу нарсага эътибор қаратмоқчиманки, бунда гап аралашувни амалга оширадиган кучлар ҳақида бормаяпти. Гап аҳолини ҳимоя қилиш имконини берувчи аниқ ваколатга эга кучлар ҳақида бормоқда».
Кения ташқи ишлар вазири Амина Муҳаммад, ўз навбатида БМТ контингенти иложи борича тезроқ жойлаштирилишини қўллаб-қувватлади.
Изоҳ (0)