АҚШ президентлигига Демократлар партиясидан номзод Ҳиллари Клинтон кузда сайловолди телевизион тарғибот учун салкам 80 миллион доллар сарфлашни режалаштирмоқда. Бу ҳақда унинг штаби вакиллари маълум қилди, дея хабар беради «ТАСС».
Август охиригача бу мақсадлар учун атиги 3 миллион доллар йўналтирилади. Сентябрь ва октябрда эса Клинтоннинг телетарғибот учун харажатлари 77 миллион долларни ташкил этади. Шунингдек, радио орқали рекламага 15 миллион доллар сарфлаш кўзда тутилган.
Клинтоннинг сайловолди роликлари Флорида, Айова, Огайо, Нью-Гэмпшир, Невада, Шимолий Каролина, Пенсильвания ва Небраска штатларида намойиш этилади. Унинг штаби мазкур штатлар, шунингдек, Виржиния ва Колорадода эфир вақти сотиб олиш учун 70 миллион доллар сарфлашга улгурди.
Изоҳ (0)