8 август куни GM Uzbekistan дилерлик тармоғи автосалонларида янги моделдаги Nexia савдолари бошланди. 18 август куни эса Nexia’нинг илк соҳиблари янги автомобилларининг калитларига эга бўлди. Бу ҳақда GM Uzbekistan матбуот хизматига таяниб, «Газета.uz» хабар берди.
Пойтахтдаги Driver’s Village дилерлик марказида автомобиллар ҳамда бонус тариқасидаги автоаксессуарлар эгаларига тантанали тарзда топширилди.
Эслатиб ўтамиз, 2016 йил 1 август куни Асакадаги GM Uzbekistan автозаводи конвейеридан эски авлод Nexia автомобилининг сўнггиси чиқди. Ўзбекистонда ишлаб чиқарилган биринчи седан 20 йил давомида — 1996 йил июлидан буён чиқариб келинди.
Изоҳ (0)