Яманнинг уруш оқибатидаги иқтисодий йўқотишлари 14 миллиард долларга баҳоланмоқда. Бу ҳақда Бутунжаҳон банки, БМТ, Европа Иттифоқи ва Ислом тараққиёт банки томонидан тайёрланган ҳисоботда сўз юритилади, дея хабар бермоқда «Корреспондент.net».
«Ҳозирда можаро аллақачон 7 миллиардга яқин зарар етказган, ишлаб чиқариш ва хизматлар кўрсатишга нисбатан иқтисодий йўқотишлар эса яна 7,3 миллиард долларни ташкил этади», — дейилади ҳисоботда.
Ҳисоботда қайд этилишича, барча баҳолашлар нафақат тўлиқ эмас, балки доимий равишда ўсиб бормоқда, чунки можаро ҳамон давом этмоқда. Келтирилган маълумотлар ўтган йилнинг охири ва жорий йилнинг бошида аниқланган.
Ямандаги фуқаролик уруши 16 ойдан буён давом этмоқда ва 6,5 мингдан ортиқ одамни ҳаётдан олиб кетди.
Изоҳ (0)