Ўзбекистон ташқи ишлар вазири Абдулазиз Камилов 15 август куни Қирғизистоннинг янги тайинланган элчиси Данияр Сидиқов билан учрашди. Бу ҳақда Ўзбекистон Ташқи ишлар вазирлиги матбуот хизмати хабар бермоқда.
«Вазир элчининг ишонч ёрлиқлари нусхасини қабул қилиб олди ва унга ўз масъулиятли фаолиятини бажаришда муваффақиятлар тилади», — дейилади вазирлик ахборотида.
Хабар беришларича, суҳбат давомида икки томонлама муносабатларнинг ҳозирги ҳолати ва ривожланиш истиқболлари бўйича фикр алмашилган.
Данияр Сидиқов 22 июнь куни Қирғизистоннинг Ўзбекистондаги элчиси этиб тайинланган эди. У мазкур лавозимда Эмилбек Узакбаев ўрнини эгаллади.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)