Украина Бош штаби вакили Владислав Селезнёв Россия қуролли кучлари Қримда Украина билан чегараларни «намойишкорона» тарзда мустаҳкамлаётганини маълум қилди, деб ёзади Meduza.
Унинг сўзларига кўра, 11 август куни чегаралар кесишмасининг ҳар иккала йўналишида ҳам Россия томонида юзга яқин ҳарбий хизматчилар пайдо бўлиб, «чегараларда муҳандислик ишларини» олиб бора бошлади. «Улар окоплар, хандақлар қазимоқда», — деди Селезнёв.
У россиялик ҳарбийлар чегарага «Град» БМ-21 бараварига ўқ отиш реактив тизимини ҳам олиб келганини айтди.
Бош штаб вакили украиналик ҳарбийлар президент Пётр Порошенко томонидан берилган топшириққа биноан ҳаракат қилаётганини ва вазият ҳар қандай вариантда тус олишига тайёр эканликларини маълум қилди. У Украина армияси айнан қандай хатти-ҳаракатларни амалга ошираётганига аниқлик киритмади.
Изоҳ (0)