Россиялик собиқ сузувчи, Лондон–2012 Олимпиадасининг совриндори Евгений Коротишкин 2016 йилги Олимпиада ўйинларининг пойтахти Рио-де-Жанейро шаҳрида қуролланган талончилик остида қолиб кетди. Бу ҳақда «ТАСС» хабар бермоқда.
«Тушлик қилиш учун «Астор» ресторанига кетаётганимда Ипанема пляжи ҳудудида икки номаълум кимса томонидан талончилик остида қолдим. Аҳволим яхши эканини маълум қилишга шошиляпман. Бўлажак авлод учун ажойиб ҳикоя эвазига чўнтагимда борини бериб юбордим. Қиммат эмас, аммо ҳаяжонли воқеа», – дея ёзди спортчи.
Қайд этиш жоиз, Евгений Коротишкин 2015 йилнинг апрель ойида профессионал фаолиятини тугатган эди. У 2012 йилги Лондон Олимпиадасида 100 метрга баттерфляй услубида сузишда кумуш медални қўлга киритган эди.
Изоҳ (0)