10 август, чоршанба куни мусобақанинг ҳал қилувчи учрашувлари ўтказилди. 3-ўрин учун баҳсда Олмалиқдан ташриф буюрган ёшлар «Пахтакор-2»ни 1:0 ҳисобида доғда қолдирди. Иккинчи жамоа сафида 2002 йилда таваллуд топган «Пахтакор» тарбияланувчилари майдонга тушди, дея хабар беради клуб матбуот хизмати.
Финалда эса клуб тизимидаги икки жамоа – «Пахтакор» ва БЎСМ-16 жамоалари баҳс юритди. Беллашувда Станислав Кудряшов бошчилигидаги «Пахтакор» 2:1 ҳисобида зафар қучди. Финал ўйинидан сўнг мусобақа совриндорларини тақдирлаш маросими ўтказилди. Ҳар бир чизиқ бўйича турнирнинг энг яхши футболчилари номи аниқланди.
Изоҳ (0)