Республикачиларнинг бешдан бири Трампнинг президентлик пойгасидан чиқишини қўллаб-қувватлайди

АҚШда рўйхатга олинган республикачиларнинг 19 фоизи миллиардер Дональд Трамп президентлик пойгасидан чиқиб кетиши керак деб ҳисоблайди. Бу Ipsos халқаро социология марказининг Reuters агентлиги билан ҳамкорликда ўтказган сўрови якунларига кўра аниқланди, деб хабар бермоқда «ТАСС».

Сўров 5–8 август кунлари ўтказилди, унда 396 республикачи иштирок этди. Статистик хато эҳтимоли 6 фоизни ташкил этади.

Иккала партия вакиллари иштирок этган бошқа бир сўров натижаларига кўра, респондентларнинг 44 фоизи Трампни пойгадан четлаштириш лозим, деб ҳисоблайди. Сўров 8 август куни ўтказилди, унда 1162 киши иштирок этди. Статистик хато эҳтимоли — 3 фоиз.