Respublikachilarning beshdan biri Trampning prezidentlik poygasidan chiqishini qo‘llab-quvvatlaydi

AQShda ro‘yxatga olingan respublikachilarning 19 foizi milliarder Donald Tramp prezidentlik poygasidan chiqib ketishi kerak deb hisoblaydi. Bu Ipsos xalqaro sotsiologiya markazining Reuters agentligi bilan hamkorlikda o‘tkazgan so‘rovi yakunlariga ko‘ra aniqlandi, deb xabar bermoqda “TASS”.

So‘rov 5–8-avgust kunlari o‘tkazildi, unda 396 respublikachi ishtirok etdi. Statistik xato ehtimoli 6 foizni tashkil etadi.

Ikkala partiya vakillari ishtirok etgan boshqa bir so‘rov natijalariga ko‘ra, respondentlarning 44 foizi Trampni poygadan chetlashtirish lozim, deb hisoblaydi. So‘rov 8-avgust kuni o‘tkazildi, unda 1162 kishi ishtirok etdi. Statistik xato ehtimoli — 3 foiz.