«ВКонтакте» фойдаланувчиси Мик Кетов Рамзан Қодиров услубидаги твитларни яратадиган нейрон тармоқни ўйлаб топди, деб ёзади N+1. Улар Twitter’даги махсус каналда эълон қилиб борилади.
Муаллиф сўзларига кўра, нейротармоқни яратишга уни DeepDrumpf лойиҳаси илҳомлантирган. Бу машинали ўқитиш тизими бўлиб, АҚШ президентлигига номзод Дональд Трамп дебатлари стенограммаси асосида твитларни «ишлаб чиқаради». Қодиров жуда кўп сонли нутқлари ва ижтимоий тармоқлардаги постлари туфайли россиялик сиёсатчилар орасидан танлаб олинди, унинг гаплари нейротармоқни ўқитиш учун кенг материал беради.
Матн ишлаб чиқариш тизимини яратиш учун Россияга хос версия муаллифи DeepDrumpf яратувчилари каби char-rnn алгортимидан фойдаланди. Бунда машқ сифатида Қодировнинг ҳақиқий блогидаги матнлар териб-териб олинади.
Изоҳ (0)