АҚШ полицияси Нью-Йорк ва Филадельфия шаҳарларининг криминал оилаларига мансуб бир қанча мафия етакчилари ва уларнинг ёрдамчиларини қўлга олди. Бу ҳақда «ТАСС» хабар бермоқда.
Жами 39 киши ҳибсга олинди. Улар АҚШ Шарқий соҳилбўйидаги Нью-Йорк, Пенсильвания, Массачусетс ва Флорида штатларида тақиқланган фаолият турлари билан шуғулланишда айбланмоқда, деб маълум қилди Федерал қидирув бюросининг Нью-Йорк штати Жанубий округ бўлинмаси.
«Айблов хулосаси пул ундириш, ғайриқонуний ўйинлар, ўт қўйиш ва қўрқитиш билан шуғулланган эски мактаб мафиозилари ҳақидаги романни эслатади. Ҳозир улар бу жиноятларни кредит карталарни ўғирлаш ҳамда криминалнинг бошқа замонавий турлари билан уйғунликда олиб бормоқда», — деди филиал раҳбари Диего Родригес.
Қамоққа олинган мафия аъзолари орасида Нью-Йорк штатида ишловчи Женовезе, Гамбино, Лучезе, Баннано оилалари, шунингдек, Италия «коза ностра»сининг Филадельфиядаги оилалари вакиллари бор. Жумладан, «коза ностра» етакчиларидан Жезеф Мерлино ва Нью-Йоркдаги жиноий гуруҳ раҳбари Паскуале Парелло ҳибсга олинганлар орасидадир.
39 киши қўлга олинганига қарамай, айблов хулосасида 46 исм тилга олинган. Ишда номи кечган етти жиноятчи илгарироқ қўлга олинган эди. Рейдлар давомида мафиячилар ёнидан ўқотар қурол ва 30 минг доллардан ортиқ нақд пул топилди.
Изоҳ (0)