Янги Зеландия мамлакатга олиб кирилган барча ёввойи йиртқичларни қириб ташлаш режасини эълон қилди

Янги Зеландия ҳукумати мамлакатга олиб кирилган ёввойи йиртқичларнинг барча турларини 2050 йилгача қириб ташламоқчи, деб ёзади TJournal.

«Глобал йўқ қилиш бўйича дунёдаги биринчи дастур» ҳақида Янги Зеландия бош вазири Жон Кей эълон қилди. Мамлакат ҳукумати кейинги 34 йил давомида мамлакатга олиб кирилган барча ёввойи зараркунандалар, жумладан, каламуш, оқсувсар ва опоссум (Америкада яшайдиган қопчиқли каламуш)ларни тўлиқ қириб ташлашни режалаштирмоқда.

Кей таъкидлашича, йиртқичлар 25 миллионтагача ноёб Янги Зеландия қушларини ўлдиради. Улар орасида учишга қодир бўлмаган киви қуши ҳам бор, уларнинг сони айни пайтда 70 мингдан камроқ бўлиб, улар ҳафтасига 20 та қуш тезлигида нобуд бўлмоқда.

Ҳар йили дастурга тахминан 3,3 миллиард Янги Зеландия доллари (2,2 миллиард АҚШ доллари) сарфлаш режалаштирилмоқда.