Ернинг етти миллиардинчи фуқаросининг онаси Елена Николаева Россиянинг Калининград вилоятида саратондан вафот этди, деб ёзади «РИА Новости» Еленанинг дўстларига таяниб.
Елена Николаева — 2011 йил 31 октябрда Калининградда туғилган Петя Николаевнинг онаси. У БМТ томонидан Ернинг етти миллиардинчи фуқароси деб тан олинган эди. Елена ва Алексей учун у учинчи фарзандга айланди. Петя туғилганидан сўнг Николаевлар оиласини Владимир Путиннинг шахсан ўзи табриклади. Шунингдек, оилага Калининградда алоҳида уй-жойга эга бўлиш учун сертификат берилди.
Ўғли туғилганидан бир неча ой ўтиб, шифокорлар Еленага сут бези саратонининг учинчи босқичи ташхисини қўйди. Аёлнинг қариндошлари Еленани Исроилдаги шифохоналардан бирида даволатиш учун маблағ тўплади.
Дастлаб уни Москвада бир неча марта операция қилишди, аммо сўнгги вақтларда жиддий қайталанишлар кузатилди. Елена маблағ тўпланганига қарамай, Исроилга боришдан бош тортди, маблағни эса у черковга топширди. Оилада Петядан ташқари яна икки бола (9 ва 11 ёш) қолди.
Изоҳ (0)